Mótarcháin

Dearbhú nach bhfuil Feithicil ar an mBóthar

Mura bhfuil d’fheithicil ar an mbóthar ar feadh tréimhse shealadach, ní gá duit mótarcháin a íoc as an tréimhse sin. Caithfidh tú dearbhú a dhéanamh sula mbaintear d’fheithicil den bhóthar.

Chun é sin a dhéanamh, caithfear Foirm RF150: Dearbhú um Neamhúsáid Mótarfheithicle – PDF ANSEO a chomhlánú agus a chur chuig d’Oifig Mótarchánach áitiúil, nó is féidir é a dhéanamh ar líne ar www.motortax.ie sa mhí chéanna a théann do dhiosca mótarchánach reatha in éag.

Is féidir an fheithicil a bhaint den bhóthar ar feadh trí mhí ar a laghad agus 12 mhí ar a mhéad.

I gcás go gceannaítear feithicil, caithfear Foirm RF150 a chur faoi bhráid na hOifige Mótarchánach laistigh de 21 lá den dáta díolta. I gcás go n-iompórtáiltear feithicil, caithfear Foirm RF150 a chur faoi bhráid na hOifige Mótarchánach laistigh de 21 lá den dáta a gcláraítear an fheithicil sa stát. Ar an gcaoi chéanna, caithfear fógra a thabhairt faoi fheithicil úrnua laistigh de 21 lá ón dáta cláraithe.

Sa chás ina dtéann feithicil ar ais ar an mbóthar am ar bith i rith na tréimhse nach bhfuil sí le bheith ar an mbóthar, is féidir íoc as an ngnáthcháin di ar an gcéad lá den mhí; cuirfidh sé sin deireadh leis an tréimhse neamhúsáide.