Iasacht Tithíochta Údaráis Áitiúil
Tá an Iasacht Tithíochta Údaráis Áitiúil (an LAHL) ar fáil do dhaoine nach féidir leo cistiú dóthanach a fháil ó bhainc thráchtála le háit chónaithe a cheannach nó a thógáil. Is féidir an iasacht a úsáid do réadmhaoin nua agus athláimhe, nó chun áit chónaithe a fhéintógáil. Is féidir teacht ar shonraí iomlána faoin Iasacht Tithíochta Údaráis Áitiúil, critéir cháilitheachta san áireamh, ag localauthorityhomeloan.ie
Conas iarratas a dhéanamh
Caithfidh iarratasóirí foirm iarratais ar Iasacht Tithíochta Údaráis Áitiúil a líonadh agus í a sheoladh ar ais chuig nó a thabhairt d’aon oifig de chuid Chomhairle Contae Mhaigh Eo. Tá an fhoirm iarratais ar Iasacht Tithíochta Údaráis Áitiúil ar fáil lena híoslódáil anseo agus tá leabhrán ina bhfuil eolas breise ar an Iasacht Tithíochta Údaráis Áitiúil ar fáil anseo.
Tá Cáipéisí Beartais um Chosaint Morgáiste agus Foirmeacha Iarratais ar fáil ag Cornmarket.ie
Is féidir fiosrúcháin faoin LAHL a dhéanamh ag aon chinn d’oifigí Chomhairle Contae Mhaigh Eo.
Iasacht Atógála
Tá iasachtaí ar fáil le tithe a atógáil, a dheisiú agus a fheabhsú:
• Caithfidh gur féidir cónaí sa réadmhaoin faoi láthair agus caithfidh áit chónaithe phríomha an iarratasóra a bheith ann.
• Caithfidh an réadmhaoin a bheith oiriúnach lena hatógáil, lena deisiú agus lena feabhsú.
• Teorainneacha Ioncaim: I gcás iarratasóir aonair, níor cheart go sáródh an t-ollioncam bliantúil €50,000.00, agus €75,000.00 i gcás comhiarratais
• Ní féidir le méid na hiasachta €38,000.00 a shárú
• Baineann ráta úis athraitheach
Tá foirm iarratais ar iasacht le háit chónaithe a atógáil, a dheisiú nó a fheabhsú ar fáil le híoslódáil anseo