Leabharlann Oscailte
Cuireann Mo Leabharlann Oscailte uaireanta oscailte níos faide ar fáil do bhaill leabharlainne ar bhonn féinfhreastail taobh amuigh de ghnáthuaireanta oscailte, seacht lá na seachtaine ó 8pm go 10pm, 365 lá sa bhliain. Ní bhíonn aon athrú ar na gnáthuaireanta foirne mar gheall air seo, agus bíonn foireann iomlán ag obair i gcraobhacha uile Mo Leabharlann Oscailte taobh amuigh d’uaireanta Mo Leabharlann Oscailte.
Cuireann Mo Leabharlann Oscailte ar chumas úsáideoirí rochtain a fháil ar an leabharlann ag an am is mó a fheileann dóibh siúd, rud a neartaíonn ról na leabharlainne mar chroílár na rannpháirtíochta pobail. Mar gheall ar na seirbhísí feabhsaithe seo is féidir le custaiméirí earraí a fháil ar iasacht agus iad a thabhairt ar ais le linn tréimhsí nach bhfuil foireann sa leabharlann. Tá acmhainní eile ar fáil le linn na dtréimhsí céanna, rochtain ar ríomhairí, seirbhísí priontála agus rochtain Wi-Fi ina measc.
Beidh an tseirbhís Mo Leabharlann Oscailte ar fáil do bhaill leabharlainne atá 16 agus os a chionn, a luaithe is a bheidh ionduchtú curtha i gcrích acu. Ní mór tuismitheoir nó caomhnóir a bheith i gcomhluadar páistí atá faoi bhun 16.
Anseo i gContae Mhaigh Eo, beidh rochtain Mo Leabharlann Oscailte ar fáil i leabharlanna Bhéal an Átha agus Bhéal Átha na Muice faoi dheireadh 2020.