Oideachas agus Gníomhaíochtaí

Bí páirteach

Tá go leor bealaí ann ar féidir leat foghlaim faoinár dtránna Brait Ghlas agus Cósta Glas, iad a chosaint agus páirt a ghlacadh sna tionscnaimh.

Smaoinigh roimh Shruthlú

Is feachtas náisiúnta é Smaoinigh roimh Shruthlú atá á reáchtáil ag Clár na gCóstaí Glana de chuid An Taisce, le tacaíocht ó Uisce Éireann. Leis an gclár sin, téitear i ngleic leis na fadhbanna a chruthaítear inár gcomhshaoil mara nuair a shruthlaítear earraí áirithe. Is féidir teacht ar thuilleadh eolais anseo.

Glanadh Trá 2 Nóiméad

Má tá tú ag an trá, féadfaidh tú 2 nóiméad a ghlacadh chun í a ghlanadh. Rachaidh an t-am gairid sin go mór chun sochair d’ár dtránna áille. Chun gealltanas a dhéanamh agus chun tuilleadh eolais a fháil, cliceáil anseo.

Faire Cósta (Coastwatch)

Le suirbhé Coastwatch, cuirtear léargas ar fáil ar staid an chósta in Éirinn. Iarrtar ar rannpháirtithe suirbhé 500m a dhéanamh ar an gcósta agus ceistneoir a fhreagairt. Chun tuilleadh eolais a fháil, cliceáil anseo. Is féidir leat teagmháil a dhéanamh freisin le Coastwatch na hÉireann ar Facebook agus Twitter.

Comórtas Grianghrafadóireachta Grá Cósta (Love your Coast)

Reáchtálann Cósta Glas an comórtas bliantúil seo a bhfuil gradaim éagsúla mar chuid dó. Má tá ceamara agat agus má tá grá agat don chósta, bí cinnte páirt a ghlacadh ann! Tá eolas agus sonraí faoi iarratais le fáil anseo.

Gradaim Phobail Foinse go Farraige (Source to Sea)

Reáchtálann Comhairle Contae Mhaigh Eo gradaim bhliantúla le haghaidh grúpaí pobail a bhfuil suim acu an comhshaol agus ár mbealaí uisce a chosaint. Ar an drochuair níor reáchtáladh an comórtas in 2021 de dheasca phaindéim Covid-19.